رمضان والناس

من طرف وايه يعنى؟ 07/09/08, 10:30 pm

عجبى عليكوا يامسلمين
يامؤمنين وموحدين
تستقبلوا شهر الصيام
وكأنه لعب صغيرين
عجبـــــــــــــــــــــــــــــــــــى
عجبى على ساعة الفطار
لحمه وفراخ غير الخضار
متحمره على صاج ونار
وغير محاشى وقمر الدين
عجبـــــــــــــــــــــــــــــى
سوق للقطايف والخشاف
بيقولوا بيقووا الضعاف
وكتير بياكلوا اللقمه حاف
وشهور مابيدقوا السمين
عجبـــــــــــــــــــــــــــــى
الجوز مع اللوز والزبيب
شاريينه بالسعر الرهيب
وبنستدين علشان نجيب
جوز هند مع بندق وتين
عجبـــــــــــــــــــــــــــــى
والادهى من ده فيه كمان
فوازير ورا وقت الاذان
جايبينها بالتأكيد عشان
تجرح شعور الصائمين
عجبــــــــــــــــــــــــــــى

...............................