لكل إنسان متضايق

من طرف الغريب 1 12/06/08, 11:30 pm

ليه ساعات يسيطر علينا الحزن ؟
ليه كتير بنحس بالإحباط ؟
ليه ديما بندخل فى دوامة اليأس ؟

أكيد لازم هنتضايق لأننا بشر
والحياة فيها ضغوووووووووووووط كتيييييييييير
عايز تعرف ازاى تتغلب على حزنك وضيقك
إعرف إن أى حاجة تتسبب فى عصبيتك هى أقوى منك
لأنها سيطرت على مشاعرك
كن سيد مشاعرك ومالك إحساسك
متخليش حد يعصبك أو ينرفزك
من القوة أن تفعل الأشياء التى تعتقد إنه ليس بإستطاعتك أن تفعلها
حاول تتكيف مع السبب اللى مخليك متضايق
حاول تحوله من سبب يضايقك لسبب يفرحك
بص للموضوع من الجزء الإيجابى فيه
حاول تشوف النص المليان من الكباية

لما كل انسان فينا يفكر ان ربنا معاه ومش هيسيبه ، وان المشاكل اللى عنده
ابتلاء من ربنا ، هيبقى عندنا قدرة أكبر على التحمُّل والصبر والصمود .

لما كل انسان فينا يفكر ان فى ناس عندها مشاكل أكتر منه بكتير
وان ربنا أنعم عليه بنعم كتير مش عند غيره
واذا كان ربنا أنعم عليك بنعمة البصر ، غيرك أعمى
اذا كنت بتسمع بفضل ربنا عليك ، غيرك أطرش
اذا كنت بتمشى على رجليك ، غيرك مشلول
وحاجات تانية كتيييييييييييييير
وقتها هنحمد ربنا وهنعرف معنى القناعة ، ونحس بالرضا الحقيقى .

لما تحس انك متضايق
فكَّر دائماً فيما يسعدك ، وابتعد بفكرك دائماً عما يضايقك .
واعرف إن السعادة لا تُقاس بكثرة المال ، ولكن للسعادة قياسات أخرى
ويوم حزنك تذكر فرحك ، ويوم فرحك تذكر حزنك .
حاول أن تعيش قدرك .

لما تحس انك لوحدك
افتكر ان ربنا معاك فى أى وقت وأى مكان
مجرد إنك تكلمه وتدعيه هتلاقيه معاك .